好多人會黎問有冇得打HIV針。頭一兩次會嚇親姑娘，之後就知原來佢地係想打HPV子宮頸癌針😅。
大肚唔打得HPV針，我地打之前會要病人先填同意書。有一題係問LMP，即係最近一次黎M嘅第一日係幾時。一個月內黎過M嘅就打得。
但係世事無咁完美，以下係個個都過咗一個月來M嘅女病人：
1. 有個寫左話過幾日會黎。吹到啤一聲。你有預知能力嘅。係就講下六合彩買咩冧把好過啦。問佢M準唔準佢又會同你講唔準。我唔理你個胸漲唔漲，你一日未見紅，一日我都唔當你係M到。我唔喺問你Future M好唔好。
2. 有個話LMP係個幾月之前。我地驚佢大肚，再問清楚原來佢今日黎緊M喺Day 1。唔好問我點解佢唔寫今日日子要寫上一次嗰個。佢唔係第一個，亦都唔係最後一個咁樣寫俾我哋。
3. 又有個話係個幾月之前。我地又驚佢大肚，Already問埋今日唔係黎緊M。問佢有冇性行為過佢話冇。我哋試過被騙架啦，再問佢係從來沒有定係呢一排沒有，佢就會話係呢幾個禮拜冇搞過。即係做咗幾個禮拜處女😓。
PS：真係試過佢話唔係大肚，Sexually active，遲M，俾我驗到佢有左。大佬，唔打得架支針，唔好Sin醫生啦！
Search